из книги иеромонаха Дионисия Фурнариота

осподи Иисусе Христе, Боже наш, сый неописан по естеству божества, и ради спасения человека в последние дни от Девы Богородицы Марии неизреченно воплотивыйся, и благоволивый тако во плоти описуем быти, иже святый образ пречистого лика Твоего на святом убрусе напечатлел еси, и оным недуг князя Авгаря уврачевал еси, душу же его просветил еси всеже познати истинного Бога нашего иже Святым Духом вразумил еси божественного апостола Твоего и евангелиста Луку написати образ Пречистыя Матере Твоея, держащей Тебя, яко младенца, на объятиях своих, и рекшей: “Благодать от Мене Рождшагося, Мене ради, да будет с сим образом”, сам, Владыко, Боже всяческих, просвети и вразуми душу, сердце и ум раба твоего (имя рек), и руки его направи, во еже безгрешно и изрядно изображати жительство Твое, Пречистыя Матере Твоея, и всех святых, во славу Твою, ради украшения и благолепия святыя церкве Твоея, и во отпущение грехов всем, духовно поклоняющимся святым иконам, и благоговейно лобызающим оныя, и почитание относящим к Первообразу. Избави же от всякого диавольского наваждения, егда преуспевает в заповедех Твоих, молитвами Пречистыя Матере Твоея, святого славного апостола и евангелиста Луки и всех святых. Аминь.